وحشـتـنى ..

عارف يعنى إيـه وحشتنى !! 

يعنى لما تبقى لسه قافل معايا واول متقفل

احس ان قلبى بينقبض ونفسى اكلمك  تانى .. 

يعنى لما ابقى ماسكه المصحف ومع كل آيه

 فيه بدعى ان ربنا يحفظك ويرعاك ويكتبنى ليك .. 

يعنى لما ابقى بكلمك والكلام يروح منى ويتوه

 واحس انى فى عالم تانى وانى حتى وانت معايا وحشنى .. 

يعنى لما يبقى حوليه كل الناس وعنيا لمحاهم لاكن مش شيفه 

غيرك أنت ولا حسه غير بوجودك انت ونفسى سعتها اقولك وحشتنى .. 

يعنى لما ابقى بعيده عن كل الناس وبالنسبه لهم غامضه ومش معروفه 

ولما اكون معاك ببقى نفسى تعرف عنى كل حاجه وتقربلى اكتر .. 

يعنى لما أسجد كل الدعوات بتروح منى الا دعوتين ان ربنا يحميك 

وانك تكون ليا واسرح بدعوه تانيه واوتى صوتى واقول " واشوفه " 

يعنى لما ابقى نفسى اكون معاك فى كل حاجه بتعملها ونفسى تشركنى 

كل حاجه بعملها حتى الحسنه بتمنى تشاركنى فيها .. 

يعنى لما تكون بتكلمنى واسرح فى كلامك وصوتك وطريقتك 

وتعبيراتك وفى كل حاجه بتعملها وببقى نفسى متسكتش .. 

واللى أكتر واكتر لما اكون بكتب دلوقتى وقلبى يدق جاااامد اوى 

عشان نفسى اقولهالك بس مكسوفه اوى لاكن بجد وحشتنى ♥